Home »

 
 

Letra e Prindit – Respekti

 

Gallery

giving-to-the-poor-034 dsc00537 img_8843 OLYMPUS DIGITAL CAMERA mesimdhenje-1 mesimdhenje-5 OLYMPUS DIGITAL CAMERA aktivitete-10 OLYMPUS DIGITAL CAMERA OLYMPUS DIGITAL CAMERA viti-i-ri-5 OLYMPUS DIGITAL CAMERA

RESPEKTI: Të  tregojmë  konsideratë  për  veten,  të  tjerët  dhe  botën  përreth

Të dashur prindër,

Me entuziazëm po e fillojmë programin e karakterit të këtij viti me temën e RESPEKTIT. Besoj se të gjithë jemi dakort për rëndësinë e këtij tipari të shkëlqyer. Duke inkurajuar, modeluar dhe përfshirë në diskutime dhe aktivitete që ndihmojnë të ndërtojnë respektin tek fëmijët tanë, ne shpresojmë t’i shohim ata të bëhen të rritur të nderuar dhe frytdhënës që përpiqen për të shfrytëzuar të gjithë potencialin e tyre.

Të gjithë e dëshirojnë respektin. Një shprehje e zakonshme është: “Nëse doni respekt, atëherë jepni respekt.” Shumë shpesh si të rinjtë ashtu edhe të rriturit presin që të respektohen por nuk e kuptojnë përgjegjësinë që ne të gjithë kemi për të dhënë respekt. Qoftë dikush i pasur ose i varfër, i arsimuar ose jo, i një shtrese shoqërore të lartë ose të mesme të ulët, burrë ose grua, i rritur ose fëmijë – ÇDOKUSH meriton të respektohet.

Më poshtë janë disa ide për diskutime familjare:

  1. Pyesni fëmijën tuaj se çfarë mendon se do të thotë respekt. Dëgjoni me kujdes dhe pohoni përgjigjet e tij/saj ndërkohë që zgjeroni konceptin e tij/saj për respektin.
  2. Flisni për sjelljen: rëndësinë që të mendojmë për të tjerët përpara vetes dhe të përdorim gjuhë të sjellshme edhe me njerëz që nuk i njohim.
  3. Respekti është TË DËGJOJMË njëri-tjetrin. Mos i lejoni pjesëtarët e familjes tuaj të flasin njëkohësisht por me rradhë të tregojnë si e kaluan ditën dhe si ai/ajo reagoi ose ndjehet për të.
  4. Krijoni MODELIN e respektit për fëmijën tuaj dhe ai/ajo do t’ju kopjojë natyrshëm.
  5. Respekti për veten është vendimtar. Të kujdesemi për trupin tonë – duke u larë, duke larë dhëmbët, duke veshur rroba të pastra, duke krehur flokët – këto janë mënyra për të respektuar veten.
  6. Të jemi të mirë me kafshët dhe qëniet e gjalla do të thotë që tregojmë respekt për të gjitha krijesat e Zotit.

Më poshtë janë disa aktivitete të sugjeruara për të inkurajuar respektin si familje:

  1. Bëni një letër ku falenderoni dikë të cilit zakonisht nuk i tregoni mirënjohje.
  2. Bëjini komplimente njëri-tjetrit – gjithmonë mund të gjeni diçka të mirë për t’i thënë kujtdo.
  3. Përshëndetini njerëzit me “Mirëmëngjes”, “Punë të mbarë” ose “Rrofsh,” veçanërisht dikë që pastron rrugën apo shitësen.
  4. Bëni një poster me fotografi të familjes, që tregojnë respekt për të tjerët dhe vareni në shtëpi.
  5. Si familje, mbushni anën tjetër të kësaj letre dhe vareni.

Shpresoj që kjo letër t’ju ketë motivuar për të punuar në përmirësimin e tiparit të respektit në shtëpi, ndërkohë që ne bëjmë të njëjtën gjë në shkollë. Ne do të vazhdojmë me aktivitetet e klasës, citatet dhe mbledhjet me drejtoreshën, që të thellojmë të kuptuarit e fëmijës suaj të kësaj teme kaq të rëndësishme.

Faleminderit për bashkëpunim tuaj. Ju uroj një muaj të bekuar.

Sinqerisht,

Maria Linderman

Drejtoresha e shkollës “Protagonistët”

DATA TË RËNDËSISHME

2 Korrik - Ditën e mërkurë, ora 10:00-12:00, në ambjentet e shkollës "Protagonistët" në rrugën e Kavajës do të bëhet shpërndarja e dëftesave për klasat: III, X-XI

Programi i Karakterit

Kalendari ynë dinamik

Kërkoni